søndag 20. oktober 2013

Sluttfest med stil

 Bygland Mållag hadde dekka til hundre, det doble kom. Underhaldning frå vaksne og unge, helsingar frå Mållaget og Aasentunet, mat og kake, folkedans og felespel. Og alt toppa med fortenestemedalje frå kongen til Annemor Sundbø. Verdig fest for den lange dugnaden Nynorskstefetten har vore. 







lørdag 19. oktober 2013

Fyrste kakestykke!

Marit Aakre Tennø (t.h) leiar i Noregs Mållag, deler ut det fyrste kakestykke. Ingrid Fiskaa og Birgitta Lim Ersland smiler og glad målmann tek imot. 

Kakefeiring i Bygland!

Flott og god kake klar for kakefeiring i Bygland! 

Stand i Grimstad

Fredag føremiddag var det stand på Universitetet i Agder, avdeling Grimstad, og på ettermiddagen var det stand på Odden-senteret. NRK Sørlandet kom innom med ein utegåande reporter, og ho intervjua Astrid S. Sandkjær, leiar i Landvik Mållag, og Hege Lothe på direkten. 

Morgonstund i Landvik

Fredag morgon var det frukost hjå Terje og Astris S. Sandkjær, leiar i Landvik Mållag. God frukost og flotte utsikt. 

Kulturkveld på Tingvatn

Tingvatn Mållag skipa til kulturkveld der vi fekk høyre veldig flott musikk og song frå bygdene i Hægebostad. 

fredag 18. oktober 2013

Planta nynorskbjørk i Tingvatn fornminnepark

I går kveld var det ei historisk hending i Tingvatn fornminnepark. Vi fekk lov til å plante ei bjørk. Bjørka kom frå Kollemo skulekrins, så det høvde godt å plante det i nynorsk jord sentralt i Hægebostad kommune. Her er Torgeir Kvåle, leiar i Tingvatn Mållag og Hege i sving med arbeidet. 

Skulevitjing på Kvås skole

Jammen fekk vi også kome på besøk til Kvås skole i Lyngdal. Der fekk vi møte 5.- 6. og 7. klasse. Litt for seine frå Eiken skule kom stafettbilen susande inn på skuleplassen til 6. time. Elevane høyrde på og læraren var godt nøgd.  Då vert vi også nøgde. 



torsdag 17. oktober 2013

Stemning på Eiken skule

Vi fekk møte både 5. - 6. og 7. klasse på Eiken skule. Timen vart avslutta med at Hege les starten på historia: Kven er Adrian? frå Norsk Barneblad. Etterpå fekk alle elevane Norsk Barneblad.

Skulevitjing på Kollemo skule

Vi byrja dagen på Kollemo skule. Vi vart veldig godt tekne imot av Tingvatn Mållag og rektor ved skulen. Vi fekk møte både 5.- 6. og 7. klasse, og her ser de nokre av alle dei flotte nynorskelevane. 

Til Hægebostad

Nynorskstafetten har meldt sin ankomst, melder Farsund Avis. 

onsdag 16. oktober 2013

Åh, for eit flott syn!

Stafettbilen tek seg godt ut på parkeringsplassen, medan vi er opptekne i klasseromma inne. 

Elevar på Lister vgs

I dag er vi komne til Farsund. Denne dagen skal vi innom dei tre 1. klassene på Lister vgs. Her har 1STA nett fått hurtigversjonen av norsk språkhistorie, og det kan sjå ut som dei framleis heng med i timen. 

Lokalt mål

Gudrun og Arna hadde laga og spela ein skjets med åsdølsmålet. Dette var veldig spennande. For oss utanifrå var det mykje ikkje vi forstod. Men etter skjetsen var det oppklaringsrunde, og forklaring på nokre av orda. Mykje applaus og veldig moro.

Lokalt mål(tid)

Sjølvsagt var det både trivleg og godt med matpause. Sogelaget stod for serveringa med elgsupa, heimelaga flattbrød og kaffi. Praten gjekk godt ved borda. Her er mellom andre Martin Sjekkestad (t.v) professor ved Universitet i Agder, som held eit veldig spennande innlegg om åseralmålet. 

Kulturkveld i Åseral

Åseral kommune inviterte til veldig triveleg kulturkveld. Programmet var både interessant og spennande. Eitt av høgdepunkta var song av Kari Røynelid og felespel av Mari Ormberg og Marit Røynelid. Dei er i gang med å samle inn kjende og ukjende folkemusikk frå Åseral. Og dette skal bli ei eiga CD-utgjeving.
Kari Røynelid er også varaordførar i Åseral kommune. Og på vegne av kommunen tok ho imot stafettpinnen på starten av kvelden. 

tirsdag 15. oktober 2013

På Kyrkjebygda skule

I dag har Birgitta snakka til både 8.- 9. og 10. klasse ved Kyrkjebygda skule i Åseral. Ein delvis nybygd skule, med flotte klasserom og fin kantine. Kvar tysdag er det felles matsamling i kantina. Birgitta fekk mat saman med dei andre, medan Hege fekk ete saman med barnehagen. Takk for maten! 

Mål for veka

På veggen til 10. klasse på Kyrkjebygda skule i Åseral er det hengt opp ein eigen plakat for kva som er mål for veka. Eit gode mål, meiner Nynorskstafetten. 

Varaordførarprat

På slutten av dagen fekk vi også møte varaordførar Per Sverre Kvinlaug. Vi snakka om bygdeutvikling, innovasjon og om nynorsk. Dessutan fekk vi god kaffi. Med på biletet er Hege Lothe, frå Nynorskstafetten, Per Sverre Kvinlaug, varaordførar og Tom Arnt Lindeland, leiar i Kvinesdal Mållag. 

Stafettpinnen til Kvinesdal kommune

I Kvinesdal hadde vi møte med Geir Bruli, kommunesjef, om nynorsk i Kvinesdal. Saman med oss var også Tom Arnt Lindeland, leiar i Kvinesdal Mållag. Kvinesdal kommune er språknøytral med ein nynorsk skulekrins og resten er bokmålskrinsar. Det var eit godt møte med god stemning. Vi peike på at det er viktig at Kvinesdal som ein språknøytral kommune også speglar nynorsken til dømes på nettsidene. Etter møtet fekk han stafettpinnen frå Nynorskstafetten. På biletet står Tom Arnt Lindeland (til venstre), Geir Bruli og Birgitta Ersland. 

mandag 14. oktober 2013

Besøk på Kvinlog skule

Den fyrste dagen i den siste veka med Nynorskstafett byrja på Kvinlog skule. Etter praten med 1. og 2. klasse, måtte alle elevane ut å sjå på den fine bilen. 

lørdag 12. oktober 2013

Nytt or Sætesdal

I dag har Nynorskstafetten vore på ikkje mindre enn to stændar. Fyrst ut var det gamle landsgymnaset på Hornnes. Det såg slik ut:


Og det kjipe, gamle stortingsmøblementet vart straks piffa opp med litt kledeleg oransje! Sjå berre her:


Etterpå bar det til downtown Evje, ikkje langt unna gatekjøkenet der stafettbloggaren for seks år sidan smakte sin fyrste (og vonleg siste) setesdalskebab. Dei er flinke på mykje, setesdølane, men Oslo-mat får dei ikkje til. Men nok om det – me rigga til sjølvaste sentrumspaviljongen. Gjett to gonger om det var noko kav å få fest den øvste ballongen ...


Men kva gjorde vel det? Vel nede frå klatrestativet venta kaffi, kaker og konfekt som våre lokale medhjelparar hadde skaffa. Slett ikkje dumt, med tanke på at flygeblad stundom smakar litt i tørraste laget.


I morgon står Valle for tur. Som dei seier på sidemål: Hald deg på tunet! (eller stay tuned, då, om de vil ha det opphavleg språkdrakt)

Iveland del 2

No har me vore på kulturkveld på Frigstad. Song, lodd og kaker laga ei fin ramme rundt hovudattraksjonen: Tor Obrestads føredrag om Hulda Garborg.

Signhild «Hitech» Samuelsen laga loddtrekkjesystem av det særs raffinerte slaget.

Kuuultuuurkveeeld!

Maarud Kimsa av premiebordet? Definitivt ikkje!

Sjåvvet byrja med song og spel frå Åseral.

... og heldt fram med Tor «Tobben» Obrestad.

Eg sat på bakarste benk og fargela ein mållagsballong med rosa tusj. (Men eg høyrde etter, altså!)

«På møtar og seminarar – då skal det serverast Mozell!»

Signhild kjøpte lodd, og vann ein nydeleg glashatt frå Setesdal.

Og båe fekk me folkemusikk på plate som takk for innsatsen gjennom dagen.

PS: Signhild insisterer på at me skal leggja ut noko underteikna visstnok skal ha sagt i ein gjer-lingvistikk-folkeleg-augeblink under føredraget på ungdomsskulen tidlegare i dag. Det går, om me skal tru notata hennar, som fylgjer: «Me sluker g-en. Nam nam, rett i magen. ....å, det var ein dårleg lærarvits». Tusen takk, internett, de har vore eit strålande publikum.

torsdag 10. oktober 2013

Iveland del 1

I dag har me vore på Iveland skule, og hatt ikkje mindre enn tre timar med både niande og tiande trinn

Fyrst var det ein time med båe trinna. Deretter splitta me dei opp, og heldt fram i ein dobbelttime med kvar av dei.


Då me var ferdige på skulen, labba me ned til kommunehuset, der Marit og Aslak hadde gjort klart til nynorsklunsj med ordføraren.

Lunsjmenyen.

Signhild fortalde om nynorskstafetten.

...  og eg fekk overrekkja stafettpinne og andre gilde ordførargåver til Gro Anita Mykjåland. Eg fekk ein ekte senterpartiordførarklem også, men det har me diverre ikkje bilete av.

Ordføraren hadde også gåver til oss - kvar vår flaske av det eksklusive flaskespringvatnet frå Vatnestraum Og Store Sandrip i Iveland kommune. No skal jaggu tannpussen verta ein fest.

Og no: Ein tekopp heime hjå Marit og Aslak medan me ventar på at kveldens attraksjon, Tor Obrestad, skal dukka opp. Etter kulturkvelden i kveld skal de få fleire oppdateringar.

onsdag 9. oktober 2013

Kjære ven(n)e(sla)

I dag byrja moroa med å møta kommuneleiinga i Vennesla. Dei var særleg kryr av dialekten sin, som skil seg ganske markant frå kristiansandsmålet, jamvel om det berre er ein rask køyretur unna.

Ordføraren fekk både stafettpinne og nynorskbok.

Så bar det til ungdomsskulen og den vidaregåande skulen på Vennesla. 

Signhild skulle sjølvsagt vera sjukt hitech, så ho stilte naturlegvis med såkalla påverpåjnt.

Etterpå fekk me komle med smør, sukker og tytebærsyltetøy.

Og deretter tok me ei økt på stænd, på eit elles ganske folketomt vrimleareal downtown Vennesla.

Sjølv ikkje elleville sirkuskunster frå dagens stafettbloggar lèt til å lokka folkemassane ut på torget.

Så no er me ferdige for dagen. Eg ventar på å verta plukka opp av kveldens vertskap, og læxar i millomtidi på den ikkje så veldig bigrimme biblå i Vennesla.